هل إنت مكسور

هل إنت مكسور

هل إنت مكسور... لما العالم اتغير وكل المقاييس اللي فيه اختلفت وضع العائلات كمان اتغير والتغيير دا وصل بينا وأنا وانت وكتير بقوا مكسورين

هل إنت مكسور... لما العالم اتغير وكل المقاييس اللي فيه اختلفت وضع العائلات كمان اتغير والتغيير دا وصل بينا وأنا وانت وكتير بقوا مكسورين.







الانفصال دلوقتي في البيت الواحد بين الأب والأم مبقاش عشان حد منهم مش كويس ولا عشان واحد منهم السبب في الوصول للحالة دي المشكلة دلوقتي إن الوضع اتساب يوصل للمرحلة دي وإن عيلة كاملة عايشة في بيت واحد ومحدش يعرف فيها حاجة عن التاني وإنت جزء من المشكلة دي.







يمكن يكون الوضع دا مش جوا بيتك لكن أكيد تعرف حد عايش في بيته لوحده بالرغم من وجود عيلة معاه. عايشين مع بعض لكن في حالة إنفصال وطبعاً هيكون عنده ذكريات مع أسرته مؤلمة.







دي قصة حد صديق اسمه تامر وبيقول تامر إن أهله انفصلوا عن بعض بعد سنين من المشاكل كتيرة ودا في الصيف اللي فات طبعاً الجو دلوقتي أهدى كتير من الأول ومفيهوش مشاكل بينهم لكن الهدوء دا ابتدى يكون أكتر من اللازم. (تامر اللي بيحكي) وبيكمل ويقول أتمنى لو كانوا لسه بيتعاملوا مع بعض حتى لو بالخناقات الكتيره لكن على الأقل كان هيبقى البيت فيه حياة بدل ما دلوقتي مليان أشخاص لكنه ميت. هتصدقوني لو قلتلكم إن الحياة بالنسبة ليا ما زالت مؤلمة جداً!!







الكتاب المقدس بيقول إن الراجل والست لما بيرتبطوا برباط الزواج بيبقوا جسد واحد "من أجل هذا يترك الرجل أباه وأمه ويلتصق بامرأته، ويكون الإثنان جسداً واحداً إذاً ليسا بعد اثنين بل جسد واحد، فالذي جمعة الله لا يفرقه إنسان" مر 10: 7 – 9







عشان كدا الإنفصال بيتعب الأطراف كلها الزوج – الزوجة - الأولاد – الأصحاب والعيلة. اللي بيحصل إن الجسد بيتقطع، الإنفصال بيسيب جروح مؤلمة وبتنزف.







في ناس كتير حوالينا مجروحين لو أهلك مش منفصلين مش صعب تلاقي في أصحابك كتير أهلهم منفصلين والأولاد مضطرين يعيشوا العيشة المؤلمة دي لكن ربنا يقدر يشفي الجروح مع العلم إن أثرها هيفضل.







لو كان والديك منفصلين يمكن تكون لسه بتعاني من جروح جواك وإحساس بعقدة ذنب إنك معملتش حاجة ولو كان كدا افتكر معانا الحاجات دي :







- يمكن صحيح كان في إيدك حاجة لكن لما تحس بمشاعر الذنب دي وتفكر اللي كان ممكن تعمله عشان أهلك يفضلوا مع بعض في تواصل إفتكر إنه مش إنت اللي كنت السبب في كدا، إنفصال والديك مش غلطتك. واحد منهم اختار إنه يكسر العهد الأبدي اللي الله عمله بينهم، هما اللي اخدوا القرار دا ومش إنت. العلاقة مكنتش علاقة خاصة بيك ولكن علاقة خاصة بيهم هما.







- ربنا بيكره الوضع اللي هما فيه دلوقتي زي ما انت كارهه لكن مش بيكرههم هما. إعمل زي ربنا.. بلاش تسيب زعلك يأثر على حبك لبابا وماما إزعل من الوضع بس. لو احتجت مساعدة في حاجة من الحاجات دي ممكن تراسلنا واحنا نساعدك أو تسأل حد من اللي بيعملوا مشورة عشان يدربك إزاي تقدر تعيش وسط الظروف دي.







- إفتكر مزمور 109: 21 – 22 "أما أنت يا رب السيد فاصنع معي من أجل اسمك. لأن رحمتك طيبة نجني. فإني فقير ومسكين أنا وقلبي مجروح في داخلي"