عشان تبقى سهله

شوية حاجات مهمة تساعدك على اختيار الطرف التاني
وصلنا السؤال دا كتير أوي أوي وعشان كدا هنتكلم فيه النهارده...
المقاييس الصح اللي تختار وتختاري بيها شريك الحياة... دلوقتي في شوية حاجات مهمة تساعدك على اختيار الطرف التاني بشكل مناسب والحاجات دي خدها وطبقها على البنوتة أو طبقيها على الولد اللي بتفكري ترتبطي بيه وشوفوا هل موجودة فعلاً ولا بعيدة...
الاختيار مش سهل، الشخص بيعيش مع شريك حياته أكتر من اللي بيعيشه مع أهله يعني اختيار واحد بس في العمر بيحكم على باقي حياتك ومستقبلك... مش بخوفكم بس بقول كدا عشان تصلي أوي وتاخد/ي وقتك عشان تختار صح.
من مبادئ اختيار الشريك الآخر التوافق من كل ناحية على قدر الإمكان.
عشان الطرف التاني يكون مناسب ليك لازم يكون متوافق معاك في كل حاجة تقريباً أو بقدر الإمكان أو بمعنى تاني متناغمه أو منسجمه معاك.
العوامل هي مثلاً :
o العامل الجسدي
O العامل النفسي
o العامل التعليمي
o العامل الاجتماعي
o العامل المادي
o العامل الروحي وهو عامل مهم جداً جداً...........إلخ
o وطبعاً العاطفة المتبادلة مهمة بمعنى استعداد كل شخص إنه يحب التاني المحبة الحقيقية اللي وصانا إلهنا بيها وهي القائمة على العطاء.
هشرح العوامل دي بصفة عامة، يعنى العامل الجسدي مثلاً تكونوا متوافقين جسدياً في الشكل يعنى ميكونش حد جسمه قليل أو ضخم وشكله متناقض مع التاني ده نوع من التوافق الشكلي وكمان يكون فرق السن مناسب.......إلخ،
يكون مستواكم الاجتماعي متقارب جداً وياريت مادياً برضه لأن كل اختلاف كبير بين الإثنين في العوامل دي بيخلق مشاكل مالهاش داعي وبتكون مدخل لإبليس عشان يعمل خلافات.
ومن أهم العوامل مستوى النضج الروحي تكونوا زي بعض لأن لو حد ضعيف والتاني قوي روحياً اللي هيحصل إن القوي هوا اللي هيضعف مش العكس.
كمان عامل التقارب الفكري ووحدة الهدف يعنى إنتم الإثنين تكون ليكم نظرة واحدة في الحياة واتجاهاتكم وأهدافكم تكون واحدة لأن ده بيخلي يبقى فيه مجال للتقارب من بعض على مدى السنين الطويلة للجواز.
خلوا بالكم مهم أوي تفكروا في أولادكم في المستقبل هل الطرف التاني دا ينفع يكون أبوهم أو أمهم وتستأمنه على بيتك وأولادك؟..
اللي مش عاجبك في الطرف التاني هتلاقيه موجود في ابنكم وبنتكم...
الموضوع كبير أوي والاختيار مش سهل وعشان كدا مهم أوي تفتكر وتفتكري إنك..
نتيجة اختياراتك.