ملل، مافيش جديد

مفيش جديد.... بعمل نفس الحاجة.... كل حاجة شبه بعضها.... أيه الجديد... مش لاقي شغل.... بقوم آكل وأنام وأقوم آكل وأنااااااام وأقوم و.........

مين فينا معداش في وقت ملل بالشكل دا... غالباً كلنا...
طيب أيه اللي ممكن يحصل من الملل :
- جواز عرفي.
- تليفونات نميمة.
- نووووووووووووووم.
- قنوات زبالة.
- تشات زيادة عن اللزوم.
- حشيش ومخدرات.
- ..................... الخخخخ

طيب بيحصل من أيه الملل... من الحاجات اللي قولناها فوق بس.. الغريبة إنه لأ دا حتى اللي حياته مليانة كتير جداً بيمل... حد يمل من كتر الرفاهية؟ أيوه.

طيب الحل أيه :
هقولكم بسرعة كام حاجة يساعدونا نخرج أو نكسر دايرة الملل :
1 – اتعلم رياضة جديدة.
2 – روح النادي لو مشترك فيه.
3 – اتعلم لغة جديدة...
4 – إعمل بحث عن حاجة عايز تعرف فيها أكتر.
5 – إعمل موقع ليك على الإنترنت.
6 – اتعلم الطبخ... (حتى لو كنت ولد).
7 – إرسم لو بتحب الرسم.
8 – دور على شغل في فترة الصيف حتى لو بفلوس قليلة.
9 – غير لون قوضة نومك.
10 – غير شكل القوضة.
11 – إزرع.
12 – هات عصافير أو سمك أو كلب وربيهم.
13 – إتعلم تصوير.
14 – إتعلم إتيكيت.
15 – زور حد كبير في السن ومحتاج حد يسمعه.
16 – ساعد حد ميقدرش يتحرك.
17 – صلي لناس محتاجة صلاة.
18 – اسأل على أصحابك القدام.
19 – إدرس كلمة ربنا.
20 – زور ملجأ أو دار مسنين.
21 – علم طفل صغير حاجة كويسة.
22– إطلع برا نفسك...

أغلب الحاجات اللي قولناها لو عملتها هتلاقيك خرجت برا نفسك وبرا دايرة أنا أنا أنا اللي مهما خرجت الخروجات كلها ومهما عملت كل المشاوير هتلاقيك لسه زهقان لكن لو جربت تعمل حاجة لحد هتحس بحاجة تانية خالص.....
جرب حاجة منهم ومش هتخسر المهم متفضلش زهقان عشان الزهق بيعمل خاحاة وحشة أوي والأهم من كدا إن اللحظة اللي بتفوت من عمرنا ليه أهمية جامدة أوي ومهما جيه بعدها مش بيبقى زيها....
جربوا.....