ربي والهى يا صانع الحلول

تعالى يا ربي شلنى من كل الهموم
بترجاك و بطلب منك تغفرلى كل الذنوب
اقبلنى زى ما قبلت الابن الضال والسامرية
قومنى زى لعازر وانقذنى زى مريم المجدلية
استر عليا ياربى وامحو اثامى وذنبى
خاطى وراجع نادم من مرار الخطيه
من كتر الجرح الى فيا من كتر قسوة الدنيا عليا
قولت ارجع لربى ارجع للحب والحنية
كنت بعيد عن بيتك بعيد عن حبك ليا
من غيرك كنت وحيد عايش بدون رفيق
بس راجع ليك ياربى راجع تمحو ليا ذنبى
مش عارف ادارى واخبى مش عارف اطيب قلبى
راجع امسك فى وعودك راجع اقرب ليك من تانى
راجع ليك بنفسى مش هعيش فى اليأس تانى
انا ابنك وحيدك تعالى خدنى من مكانى
دمعك عشانى بينزل ينادى
وصراخك كل يوم بيفكرنى بمعادى
انا جيلك يا يسوع ان سامع صوتك بينادى
انا راجع ليك يابويا عايز اكون جوه عيونك
انا جايلك ندمان وبوعدك تانى مش هخونك
خدنى يلا من عالم فانى ضمنى تانى جوة جفونك
دا انا ابنك اللى هعيش ليك هعيش فى نور عنيك
راجع بعترف وببكى قدامك
صدقنى يارب مكتفى بحبك وبحنانك
انا خايف وضعيف والقسوة ملكت كيانى
بس راجع ليك مهما الشيطان غوانى
علمنى اقرب منك مهما أبليس ورانى
علمنى احبك واسيب العالم الفانى
خدنى من أبليس اللى كسر كيانى
خدنى منه وما تسبنيش ارجعله تانى
ايوة راجع ليك ياربى راجع تمحو ليا ذنبى


منقول